យោងតាមសេចក្ដីរាយការណ៍របស់ក្រុមហ៊ុន Rolls-Royce បានឲ្យដឹងថា៖ «វិស្វករ និងក្រុមការងារផលិតឧបករណ៍របស់ក្រុមហ៊ុន Rolls-Royce Motor Cars បានសហការយ៉ាងជិតស្និទ្ធជាមួយគ្រូពេទ្យដើម្បីបង្កើតនូវជំហរអង្គុយធ្វើឲ្យរាងកាយសម្រាកស្រួល។ លទ្ធផលនេះបានកើតចេញជាកៅអីថ្មី បំពាក់ក្នុងរថយន្ដស៊េរី Phantom Limelight»។
បន្ទាប់ពីបានត្រៀមរៀបចំខ្លួន និងសម្រាករួចហើយ អ្នកដំណើរបានទៅដល់គោលដៅជាមួយ Phantom Limelight ដែលមានពណ៌ខៀវ Gala Blue កង់អាលុយមីញ៉ូមមាន ៩ កាំ តែមឆ្នូតពណ៌ទឹកដោះគោលាយខៀវទឹកប៊ិក និងមានរូបគ្រាប់ពេជ្រដូចជាខ្សែដៃពេជ្រស្រោបលើផ្ទៃរថយន្ដ។
រថយន្តម៉ូដែល Phantom ស៊េរី Limelight Collection ដែលមានចំនួនតែ ២៥ គ្រឿងនេះ នឹងបើកឲ្យមានការកុម្ម៉ង់បញ្ជាទិញភ្លាមៗតាមរយៈភ្នាក់ងារចែកចាយ Rolls-Royce Motor Car ទូទាំងពិភពលោក។
Rolls-Royce ស៊េរី Phantom Limelight បំពាក់ម៉ាស៊ីន V12 ៦៧៤៩ សេសេ ៤១២ សេះ និងកម្លាំងរមួល ៥៣១ ផោន-ហ្វ៊ីតក្នុងបែបផែន ៣៥០០ជុំ/នាទី។ ល្បឿនសន្ទុះពី ០ ទៅ ១០០ គីឡូម៉ែត្រក្នុងមួយម៉ោង ប្រើថិរវេលា ៦,១ វិនាទី និងល្បឿនកំពូល ២៤០ គីឡូម៉ែត្រ។
គ្រាន់តែគ្រឿងបរិក្ខារក្នុងរថយន្ដ វាមានតម្លៃរហូតដល់ ៦៨៩៥០ ដុល្លារ ដោយមិនទាន់គិតពន្ធ និងធ្នាក់ជើងផង ចុះទម្រាំតម្លៃមួយតួរថយន្ដវិញ?
លោក James Wong ជាបុគ្គលិករបស់ក្រុមហ៊ុន Rolls-Royce ប្រចាំនៅប្រទេសសិង្ហបុរី មិនអាចបង្ហើបប្រាប់អំពីតម្លៃរបស់ Rolls-Royce ស៊េរី Phantom Limelight បាននោះទេ ដោយវាអាចប្រែប្រួលទៅតាមការកុម្ម៉ង់របស់អតិថិជន។
យ៉ាងណាមិញ យោងតាមប្រភពគេហទំព័ររថយន្ដមួយចំនួន បានលាតត្រដាងតម្លៃលក់ចេញពីក្រុមហ៊ុនថា Phantom Limelight មានតម្លៃ ៦៥ ម៉ឺនដុល្លារ៕
